Hopp til hovedinnhold

Sommaravslutning på M/S Sunnhordland

Publisert 28.06.24, 08:30 av Christer Stewart Aarbø
Fronten på eit skip, med horisonten mot vest.

20. juni 2024 avslutta Fitjar vgs. skuleåret 2023-2024 med å invitera alle elevane og lærarane med på ein dagstur med veteranskipet M/S Sunnhordland.

Elevar og lærarar på Fitjar vgs. fekk vera med på ein flott rundttur lang Stord, Bømlo og Fitjar. Turen gjekk først nordover til Fitjarøyane, så vestover mot Slåttery Fyr, før ein snudde sørover tilbake til hamna i Leirvik. Med god mat ombord, og kjekke leikar og konkurransar undervegs, vart dette ein flott avslutning på eit kjekt skuleår! 

Takk for i år og lykke til vidare!

Ein veteranbåt ligg til kai, me ser akter der det står "Sunnhordland" skrive på båten
Turen byrja i Leivik hamn, der M/S Sunnhordland har fast kaiplass.
Me ser elevar som kastar ball i ei bøtte på dekk.
Det var leikar og konkurransar både inne og ute.
Fire elevar står på dekk, den eine kastar ein grøn plastring
Ringspel i gyngande bølgjer.
Me ser ei øy i Fitjar, og i bakgrunnen ser me Fitjarfjellet med vindmøllene
Turen gjekk sjølvsagt til Fitjarøyane.
Me ser ein av salongane, det elevar og lærarar sit ved borda.
M/S Sunnhordland har fleire koselege salongar.
Fem elevar som sit ved eit bord, tre av dei viser tommel opp.
God stemning ombord.
Tre teikningar av M/S Sunnhordland
Dei tre vinnarane i teiknekonkurransen.
Bilete av eit skilt der det står "Veteranskipet M/S Sunnhordland"
M/S Sunnhordland vart bygd i 1943 og var i mange år i fast rute i Sunnhordland. I dag er skipet restaurert og blir brukt som flytande selskapslokale og hotell til kai.