Elevane på vg1 FBIE (frisør, blomar, interiør- og eksponeringsdesign) har skrive eit reisebrev frå klasseturen til Undeland gard 12.-13. september.
Me køyrde fra skulen kl.13 og var framme kl.16 på Kvamskogen. Me var ti elevar som skulle på klassetur, så me køyrde i ein personbil og ein minibuss. Når me kom fram, så var det førstemann til å få det beste rommet! Etter ein liten time begynte me å laga taco, då sat me samla med bordet og åt og koste oss. Seinare på dagen hadde me ulike aktivitetar og spelte ulike brettspel. På kvelden samla alle seg i stova og snakka saman og fortalte gamle historier. Så var det leggetid; Alle gjekk opp for å legga seg, men det vart mykje prating i ulike rom...
Morgonen etter var det hastverk: Me måtte fiksa frukost, rydda og komma oss ut dørene kl. 08:30, som blei til kl. 09, for å komma oss til Undeland Gard i Ulvik. Der skulle me laga bukettar me skulle få ta med heim til foreldre og besteforeldre.
Me kom til Undeland Gard, og blei møtt imøtekommande av Grzegorz og Katinka som driv denne vesle familiebedrifta saman. Grzegorz jobbar med skule og media, og Katinka jobbar som landskapsarkitekt og bybaneplanlegger. Me fekk informasjon om bedrifta og undervisning i korleis me skal laga flotte bukettar. Så kunne me setja i gong med å plukka blomster og laga kvar vår flotte bukett. Me takka for oss, og køyrde vidare heimover. Takk for besøket!
