Hopp til hovedinnhold

Studietur til Stortinget

Publisert 27.06.24, 10:05 av Christer Stewart Aarbø
Eit bilde av Stortingsalen i Oslo, frå bak i lokalet, sett mot talarstolen

For andre år på rad fekk elevane på vg3 påbygg på Fitjar vgs. besøka Stortinget i Oslo og læra meir om demokratiet i Noreg.

Elevane på vg3 påbygg på Fitjar vgs. hadde i april 2024 ein innhaldsrik studietur til Oslo for å læra meir om demokratiet i Noreg. På den første dagen besøkte dei 22. juli-senteret, Akershus festning og Vår frelsers gravlund. På den andre dagen besøkte dei Stortinget, der elevane først fekk ei omvising i bygget og deretter gjennomførte rollespelet «Demo». I dette spelet vart elevane delt inn i ulike politiske parti og måtte arbeida som Stortingsrepresentantar for ein dag. Alle elevane var på talarstolen og debatterte om lovframlegg, og dei måtte handtera både voteringar, komitéarbeid, mistillitsforslag og kabinettsspørsmål – ein veldig lærerik dag!

Eit bilete av lagtingssalen. i salen sit det elevar og ein guide står framm og fortel.
Lagtingssalen på Stortinget.
Eit bilete av vandrahallen på Stortinget, utan menneske.
Den kjende vandrehallen på Stortinget, der media plar å intervjua politikarane.
Stortingssalen sett frå bakerst i lokalet.
Det var ingen Stortingsrepresentantar på jobb i Stortingssalen når me var der.
Eit rom med fleire små rom inni. Kvart rom har nummer og er lyst opp i ulike fargar.
Rollespelet "Demo" går føre seg i eigne lokal under Stortinget. Her er det arbeidsrom for partia i spelet, samt ein mini-Stortingssal der representantane skal møta til debatt og votering.
Øvingsrommene sett frå ein annan vinkel en førre bilete
Elevane vart delt inn i fem ulike parti. Etter valet måtte dei forhandla om regjeringssamarbeid.
Foto av ein del av Akershus festning. Me ser taket og eine veggen, samt ei dør og nokre vindauge.
Staden på Akershus festning der fleire nordmenn vart avretta under og etter andre verdskrig. Her arbeidde elevane med ulike kjelder om avrettinga av Vidkun Quisling i 1945.
Nærbilete av ei knust klokkekive på ein vegg
22. juli-senteret gjorde sterkt inntrykk.
Ein skuleklasse som står framfor gravmonumentet for Henrik Wergeland
Henrik Wergelands grav i Vår frelsers gravlund. Monumentet vart reist i 1849 av svenske og danske jødar som takk for Wergelands lange kamp for å endra grunnloven slik at jødar skulle få lov til å bu i Noreg. Den såkalla "jødeparagrafen" vart fjerna frå grunnloven i 1851.
Eit foto av ei gravstøtte der det står IVAR AASEN 1813-1896, samt eit vers på norrønt og ei metallplate med eit portrett av Ivar Aasen
Ivars Aasens gravstøtte i Vår frelsers gravlund.