Ungdomsbedrifta Kvalmaten UB, laga av elevar på vg2 kokk- og servitørfag på Fitjar vgs, vann i går førstepris under Ungt entrepenørskap sitt fylkesmeisterskap for elevbedrifter. No ventar det deltaking i NM i mai.
Tysdag 15. mars vart årets fylkesmeisterskap for elevbedrifter arrangert på Amalie Skram vgs i Bergen og Førdehuset i Førde. Frå Fitjar vgs deltok elevbedrifta Kvalmaten UB, som består av elevane Iver Emil Simonsen, Azeb Kidana, Kristine Sæbø Nilssen, Markus Jakobsen, Denny Kjerevik og Vetle Almås Rege. Dei var nominert i fleire kategoriar, og vann førstepris i kategorien Jord-fjord-bord, noko som gav dei gullbillett til deltaking i NM for elevbedrifter seinare i vår.
Kvalmaten UB er ei elevbedrift som som produserer mat av kvalkjøt. Foretningsideen sin har dei formulert slik: «Me vil bringe gamle smakar tilbake med ein moderne vri. Kvalkjøt i dag er både etisk og berekraftig».
Juryen gav følgjande grunngjeving for tildelinga: «Juryen mener denne bedriften har tatt tak i et produkt som på denne måten kan få en ny hverdag, nemlig kvalkjøtt, som det blir laget hamburgere av. Ungdomsbedriften har hatt en grundig prosess hvor de har evaluert flere parametre som for eksempel råstofftilgang, markedsføring osv. Ungdomsbedriften hadde en meget god HMS-plan for sitt arbeid med produktene, og de var tydelige på at dette produktet kunne være et godt supplement til hamburgere av storfekjøtt. Juryen mener produktet absolutt kan ha noe for seg og vil særlig peke på at ungdomsbedriften gjennom dette produktet kan bidra til at det blir noe mindre bruk av storfe kjøtt i hamburgerproduksjonen.
Både fylkesmeisterskapet og Noregsmeisterskapet vert arrangert av Ungt entrepenørskap, som er ein idell, landsomfattande organisasjon som saman med utdanningssystemet, næringslivet og andre aktørar arbeider for å utvikla barn og unge sin kreativitet, skaperglede og tru på seg sjølv.
